TvQuran
تعليقات و إهداءات أعضاء منتديات الشبارقة

آخر 10 مشاركات
هل يمكن استخدام إيبولا كسلاح بيولوجي؟ (الكاتـب : الأخباري - مشاركات : 0 - المشاهدات : 2 - الوقت: 07:21 PM - التاريخ: 23rd October 2014)           »          قطر تتوج ببطولة كأس آسيا للشباب (الكاتـب : الأخباري - مشاركات : 0 - المشاهدات : 2 - الوقت: 07:21 PM - التاريخ: 23rd October 2014)           »          غوغل "إنبوكس".. بديل مستقل لتطبيقات البريد الإلكتروني (الكاتـب : الأخباري - مشاركات : 0 - المشاهدات : 2 - الوقت: 06:49 PM - التاريخ: 23rd October 2014)           »          أطباء ساعدوا مشلولا يريدون مرضى جددا (الكاتـب : الأخباري - مشاركات : 0 - المشاهدات : 2 - الوقت: 06:19 PM - التاريخ: 23rd October 2014)           »          سجن أربع سيدات في السعودية بتهمة "دعم تنظيم القاعدة" (الكاتـب : الأخباري - مشاركات : 0 - المشاهدات : 5 - الوقت: 05:44 PM - التاريخ: 23rd October 2014)           »          تنظيم الدولة الإسلامية "يسيطر" على ناحية الفرات بالأنبار (الكاتـب : الأخباري - مشاركات : 0 - المشاهدات : 4 - الوقت: 05:44 PM - التاريخ: 23rd October 2014)           »          غرسات الثدي.. ماء وملح أو سيليكون (الكاتـب : الأخباري - مشاركات : 0 - المشاهدات : 5 - الوقت: 03:48 PM - التاريخ: 23rd October 2014)           »          نوكيا تعمم تطبيق "هير" على كل أجهزة أندرويد (الكاتـب : الأخباري - مشاركات : 0 - المشاهدات : 4 - الوقت: 03:48 PM - التاريخ: 23rd October 2014)           »          "مجانين" حزب الإنترنت يتسابقون للبرلمان الأوكراني (الكاتـب : الأخباري - مشاركات : 0 - المشاهدات : 4 - الوقت: 03:07 PM - التاريخ: 23rd October 2014)           »          تسجيل إصابة جديدة بكورونا في قطر (الكاتـب : الأخباري - مشاركات : 0 - المشاهدات : 4 - الوقت: 03:07 PM - التاريخ: 23rd October 2014)


العودة   منتديات الشبارقة > المنتدى الثقافي و الأدبي > ساحة النثر والشعر والقصة


اجمل الاشعار والاغانى السودانية

ساحة النثر والشعر والقصة


إنشاء موضوع جديد  إضافة رد
 
أدوات الموضوع
قديم 22nd February 2010, 09:19 PM رقم المشاركة : 1
معلومات العضو
amino
مشرف عام

الصورة الرمزية amino

إحصائية العضو






amino غير متواجد حالياً

 


افتراضي اجمل الاشعار والاغانى السودانية

كلمات اغنية :ليل الفرح

أداء الفنان الرائع : الطيب عبدالله


عد لينا ياليل الفرح داو
القليب الإنجرح
خليهو يفرح مره يوم طول
عمرو ناسيهو الفرح
¤¤¤
عد لينا ماتبكي العيون
الشاربه من بحر الخجل
عد لينا ماتعدد دروب
ريانة بتسيب بالامل
عد لينا قبال الخريف يرحل
يسيب ايامنا بتصيبه المحل
إمكن تطيب اشواقنا يوم
وتودي لي شوقك يصل
¤¤¤
لكن ياليل كيفن تعود تتحدي ليل
اسود ومن اغلا العهود رياد يسيل
كيفن تعود والليل بيتوسد ضفاير حبي
زي طفلا" صغير شايلنو شيل
إتغني بي حلو الاغاني الطيبه راجيك من قبيل

تحميل الاغنية بصوت فنان الشباب شكرالله عزالدين

http://www.4shared.com/get/106295170/99cb4ed1/__6.html




الدمعة


الدمعة لو غلبا النزول
حرمانة لو تنزل عليك


شوقي لو غلبو الصبر
اتحدى لو يحن ليك

لو قلبي اتقطع وراك
اصلي مابنزله ليك

وجروحي تنزف بالسنين
ودواها يصبح بين ايديك

مستحيل ارجع اليك
مستحيل اندم عليك

لو جاني احساس بالامل
ترجع علاقة حبي بيك

أو جاني احساس بالحنين
اتمنى ماارجع اليك

اتمنى من كل الدروب
تنسدى لو بتودي ليك

بتمنى من الليل يطول
لو الصباح واقف عليك

مستحيل
مستحيل اندم عليك

فاكرني بشتاق لي عنيك
انا اصلي مالعبة في ايديك

فاكرني بجري عشان رضاك
بنساك ولااسفا"عليك

فاكرني غير حبك بموت
انا حي وكيتا" عليك

اخر كلامي العندي ليك
اخر كلامي العندي ليك

مستحيل
مستحيل اندم عليك


اغنية الدمعة بصوت الامبراطور شكرالله

http://www.4shared.com/get/106288125/5bdcbf76/_1_online.html






دنيتنا الجميلة

كلمات التجانى حاج موسى
الحان الموسيقار يوسف حسن الصديق
***
شوفو دنيتنا الجميلا
بوديانا وصحاريها ونخيلا
بأنهارا وباشجارا الظليلا
ماهى دنيتنا الجميلا
الشمس كل يوم بتطلع
أصلو ما اتاخر شروقا
فى العشية تسيبنا تغرب
روعة سبحانو البسوقا
***
ماهى دنيتنا الجميلا
أربعة فصول فى السنة
بمرّو عبر الأزمنة
الشتا والصيف ، وربيع وخريييف
وده بيحصل كيف ؟
ماهى دنيتنا الجميلا
أى واحد فينا لو فكر وقدر
عظمة الخالق بتظهر
يبقى واجبنا العلينا
نبتهل نرفع أيدينا
ونعمل المفروض علينا

تحميل الاغنية من صوت الفنان الرائع محمودعبدالعزيز

http://www.4shared.com/file/115647760/b017570d/_2___.html





الحزن النبيل

كلمات:صلاح حاج سعيد





وبقيت أغني عليك
غناوي الحسرة والأسف الطويل
وعشان أجيب ليك الفرح
رضيان مشيت للمستحيل
ومعاك لي آخر المدى
فتينى يا هجعة مواعيدي القبيل
بعتيني لي حضن الأسى
وسبتيني للحزن النبيل
ومشيت معاك كل الخطاوى الممكنة
وبقدر عليها وبعرفها
أوفيت وما قصرت في حقك
ولا كان عرفه غيرك أصادفها
وقدر هواك يجيبني ليك
جمع قلوبنا وولفها
وكتين بقيتي معاي في أعماقي
في أعماق مشاعري المرهفة
لا منك ابتدت الظروف
لا بيك انتهت الأماني المترفه
ندمان أنا
ابداً وحاتك
عمري ما شلت الندم
ما اصلو حال الدنيا
تسرق منيه في لحظة عشم
وأنا عندي ليك كان الفرح
رغم احتمالي أساك
يا جرح الألم
كان خوفي منك
جاي من لهفة خطاك
على المواعيد الوهم
اهو نحن في الأخر سوا
باعنا الهوى
ماشين على سكة عدم

تحميل الاغنية بصوت الرائع دوما مصطفى سيد احمد

http://www.4shared.com/file/36644315/7b2919b1/__online.html





السمحة قالوا مرحلة

كلمات:المقبول سيد احمد المقبول


السمحة قالوا مرحله
بعدك الفريق اصبح خلا
جاني الخبر جاني البلا
والسمحة قالوا مرحله
قول يا لسان في الراحله
صوغ المعاني وجملا
نافر وما عارف العلي
حالي العلي حال الخلا
يا عيني جافيتي المنام
وخدودي دمعك بللا
وين بعدك القي عطوف يلم
أفكاري بعد البهدله
روح يا نسيم روح قابلا
تلقاها نايمة وغافله
داعب لخصلات شعرها
والثم ضفايرا المسدله
وارفع كتيفا الهادلا
وكلل خدودا وقبلا
وقول ليها من بعدك خلاص
شفنا الفريق اصبح خلا
يا ربي لحظات الوداع
امثالي كيف يتحملا
الليلة بوصيك بالحبيب
عندك امانة تحملا
وتديم علي الخير والهنا
وكل يوم تضاعفلوا الحلا
قلبي الحنين من قام صغير
طول عمرو لا جفا لا سلا

تحميل الاغنية بصوت الرائع دوما مصطفى سيد احمد

http://www.4shared.com/file/36644797/5af75a49/___online.html







رد مع اقتباس
قديم 22nd February 2010, 09:27 PM رقم المشاركة : 2
معلومات العضو
amino
مشرف عام

الصورة الرمزية amino

إحصائية العضو






amino غير متواجد حالياً

 


افتراضي

الشاغلين فؤادي


الشاغلين فؤادي .. وفايقين تائهين

يكفي البي زارف .. دمعا ما يقيف

تالي القبلي شايف .. لي برقاً لمع

والصيد في الخمايل .. ياناس إجتمع

قوموا ياأعزة .. نسترق السمع

ما بطيق القعدة .. والمها اجتمع

ديل احبابي ليّ .. يا مولاي قدروا

انسلبت لحومي .. وأعضاي خدروا

لاموني العوازل .. وبحالي اذدروا

هم سايقين دلالهن .. تايهين ما دروا

سامرت الكواكب .. لما الفجر لاح

منادي الفجر نادى .. وقال ياأهل الصلاح

صلوا الوقت حاضر .. قاموا أهل الصلاح

وأنا الليل قايمه .. لخيال ليّ لاح

البلابل ناحن .. في الليل الهجيع

سهرانات عيونن .. مابيات الضجيع

من الحالة ديكي .. أخير لي النجيع

واحسرة شبابي .. الما لقيت لي وجيع

تحميل الاغنية بصوت الراحل مصطفى سيد احمد

http://www.4shared.com/file/36645007/36c690e0/__online.html





وضــــــــــــــــــــــــــــــاحة



الـصـبـاح الـبـاهـى لـونـك
وضـــاحة يـا فجــر المـشــارق
غـــابـة الأبـنـوس عـــيونك
يابنيّة مــــن خـــبــز الفنادق

(***)**(***)**(***)

شـــيدتى فـى جــــوّاى صــوامــع لـى الـفــرح
وفـتـحــتـى فى دنياى .. مـسـارح لى المــــرح
وبــقيتى لى ســــكة وعــيون
لا قـدرت أطــولك شـــان أجــــيك
ولا قـــدرت من غــــيرك أكــــون
وأنا بــيــكــى مــالـينى الكـلام
... حــرّكت بيك عــصـــب السكون
جـــلــبت ليـك الغــــيم .. رحـــــط
طـــرّزت لـيــك النيـــل .. زفـــــاف
حرقت ليك الشوق بخور ...
وفرشت ليك الريد .. لحاف

(***)**(***)**(***)

لا الســكة بيكى بتنتهى
ولا مـعــاك مــلّيت طـــــواف
ياريتنى لو أقــدر أطولك
وضّـــاحة يا فجـــــــر المشارق


تحميل الاغنية بصوت الراحل المقيم مصطفى سيد احمد
http://www.4shared.com/account/file/36653569/99e4aee6/_online.html






سافرى تصحبك السلامة



سافري تصحبك السلام اني بستناك اكيد
السفر جفوة مواسم ولوعة للزول البريد
***
سافري انتي وساهري بينا واحرم الافراح تجينا
ابعدي الهنا عن طريقنا زيدي في الفرقة وسنينا
لوعة العشاق وشوقم ساكنة جوانا وسجينة
***
حقو تعرفي يوم رحيلك كنت بتالم واقاسي
قدري اقطع ليك تزاكر من سنين فرح الاماسي
واهدي ليك من عمري سكة هادية زي رقة حواسي
بي سفن روعة عيونك بكرة توصلي للمراسي
***
سافري تصحبك السلام اني بستناك اكيد
السفر جفوة مواسم ولوعة للزول البريد


بصوت الامبراطور الفنان احمد الصادق للاستماع والتحميل اضغط على الرابط

http://www.4shared.com/file/68444663/8ed73c9a/_-__.html?s=1








بين اليقظه والاحلام


نار البعد والغربة
شوق لأهلي والصحبة
شوق لكل جميل في الحي
شوق للشينة لو صعبة

بين اليقظة والأحلام
بين اجفان تقول للنام
أريت النوم يزورني اليوم
أنوم لو ليلة في كل عام

آه بتطلع بدمع العين
زفرة بتشعل أنفاسي
آه بتداوي فينا حنين
ولا زفرة بتجيب ناسي

لو عبرة تزيل غصة
لو ذكرى تهدي حنان
لو إنسان صبح قصة
أنا القصة يا أم درمان








لما ترجع بالسلامة


لما ترجع بالسلامة ... وترجع ايامنا الجميلة..
ياسنا الروح يامناها ... وياعواطفنا النبيلة..
تهدى ليلى احلى ابتسامة ... من زمان بنقول حليلها..



يوم رحيلك ياحبيبى شوفت كل الكون مسافر...

لا هزار فى روضة غنا ... ولا زهر عطر بيادر..
لا تلاقى يروى شوقى ... ولا حديث يجبر بخاطرى..
الشهوووور ياريتها تجرى ... وكل يوم ياريتوا باكر..

لما ترجع ياربيعى ... للقليب المشتهيك..
وزى عوايدك تعترينى رعشة من الريد وليك..
عيونك الضحاكة تبكى ... والمشاعر فياضة بيك..
ياحلاتك ياحبيبى ... وياحلاة الدنيا فيك..

لما ترجع بالسلامة ... وترجع ايامنا الجميلة..
ياسنا الروح يامناها ... وياعواطفنا النبيلة..
تهدى ليلى احلى ابتسامة ... من زمان بنقول حليلها..






رد مع اقتباس
قديم 23rd February 2010, 10:11 PM رقم المشاركة : 3
معلومات العضو
amino
مشرف عام

الصورة الرمزية amino

إحصائية العضو






amino غير متواجد حالياً

 


افتراضي

قصة ثورة
* * * * * *
هاشم صديق
* * * * * *

لما الليل الظالم طول
فجر النور من عينا إتحول
حلفنا نعيد الماضي الأول
ماضى جدودنا الهزموا الباغي
وهدوا قلاع الظلم الطاغي
فى ليلة وكنا حشود بتصارع
عهد الظلم الشبا حواجز ،،، شب موانع
جاءنا هتاف من أرض الشارع
* * * * * *
قسماً قسماً لن ننهار ،،، طريق الثورة هدى الأحرار
والشارع ثار
وغضب الأمه إتمدد نار
والكل ياوطني حشود ثوار
* * * * * *
وهزمنا الليل
وهزمنا الليل
* * * * * *
والنور فى الآخر طل الدار
والعزة أخضرت بالأحرار
* * * * * *
وطني نحن سيوف أمجادك
ونحن مواكب تفدي ترابك
ولسه الشارع بيشهد لينا
فى يوم الغضبه حصاد ماضينا
مشينا نعطر حقل الثورة
* * * * * *
بدم تفديها بلادنا الحره
وكان إكتوبر فجر الغضبه
كسرنا قيود الماضى الصعبه
لما مشينا مواكب صامده
تهدر وتغلي وتهتف راعده
* * * * * *
الرصاص لن يفنينا
الرصاص لن يفنينا
* * * * * *
وسال الدم بأرض الوادى
فدينا النور بالروح يابلادى
* * * * * *
وكانت صفحه حكاها العالم
وفجر أكتوبر طل وسالم
* * * * * *
وكان فى الجامعه موكب هادر
صمم يجلو الليل السادر
وكان الليل السادر غادر
* * * * * *
فجر غدره سموم دخان
ورصاص من صوته صحى السودان
* * * * * *
والشعب الثائر صمم هادر
يصرع ليلنا الداجى الطول
* * * * * *
وكان القرشى شهيدنا الاول
* * * * * *

وما تراجعنا
حلفنا نقاوم ليلنا وسرنا
نذرنا الروح مسكنا دربنا
للشمس النايره قطعنا بحور
حلفنا نموت أو نلقى النور
* * * * * *
وكان فى الخطوه بنلقى شهيد
بدمه بيرسم فجر العيد
* * * * * *
وهزمنا الليل وهزمنا الليل
* * * * * *
يا أكتوبر
* * * * * *
نحن العشنا ثوانى زمان
فى قيود ومظالم وليل وهوان
كان فى صدورنا غضب بركان
وكنا بنقسم بالأوطان
نسطر اسمك يا سودان
* * * * * *
بدمانا السالت راويه الساحه
حلفنا نسير مانضوق الراحه
* * * * * *
شهرنا سيوف عصيانا المدنى
وكانت وحدة صف ياوطني
* * * * * *
إيد فى إيد حلفنا نقاوم
ما بنتراجع ولا بنساوم
* * * * * *

خطانا تسير فى درب النصر
هتافنا يدوى يهز القصر
* * * * * *
كسرنا حواجز
ازلنا موانع
صفنا واحد
عامل وطالب ،،، زارع وصانع
* * * * * *
وهزمنا الليل وهزمنا الليل
* * * * * *
ياساحة القصر يا حقل الثار
ياواحة بتحضن دم "نصار "
روينا ورودك دم ثوار
وشتلنا فضاك هتاف أحرار
* * * * * *
خطينا ترابك أحرف نايره
بتحكى سطور أيامنا الثائره
* * * * * *
وشلنا الشهداء مشينا ونهتف
وجرح النارفى قلوبنا بينزف
* * * * * *
سجينا الشهداء وجينا نقاوم
ما بنتراجع ولا بنساوم
بينا وبينك ثار يا ظالم
وفجاءة ونحن صفوف بتصمم
زغرد فجر الغضبه الحالم
* * * * * *
وهزمنا الليل وهزمنا الليل
* * * * * *
قسماً قسماً يا أكتوبر نحمى شعارك
ونجنى ثمارك
* * * * * *
ونرفع راية النصر الغاليه
ترفرف فوق الساريه
* * * * * *
عليها شعار الثورة الأكبر
رسمه الزاهى وأخضر
ولسه بنقسم يا أكتوبر
* * * * * *
لما يطل فى فجرنا ظالم
نحمى شعار الثورة نقاوم
نبقى صفوف تتمدد وتهتف
حتى يعود الفجر الحالم
* * * * * *
يا أكتوبر</b></i>






التوقيع

رد مع اقتباس
قديم 28th April 2010, 06:19 PM رقم المشاركة : 4
معلومات العضو
محمد دفع الله جميل
شبرقي فضي

إحصائية العضو






محمد دفع الله جميل غير متواجد حالياً

 


افتراضي

طبعا آخر واحدة بتاعة هاشم صديق دي لي سنين بفتش ليها

ما بلقاها عندك بي صوت أبو عركي


تسلم يا أمينو







التوقيع

وسألـت من لي قـد أمر ** عن سر جالية الكدر
قال إن ترد كشف الضرر ** صلي على خير البشر
سيـد الخـلائـق من مـضر ** من طاع قدميه الحجر
مـن تــفــله حـلـَّى الأمَــرْ ** والماء من يده إنهمر
رد مع اقتباس
قديم 28th April 2010, 06:48 PM رقم المشاركة : 5
معلومات العضو
ام رغد
شبرقي فضي

إحصائية العضو






ام رغد غير متواجد حالياً

 


افتراضي

اشعار واغانى مميزة
تسلم







التوقيع

دنيا لا يملكها من يملكها أغنى أهليها سادتها الفقراء
الخاسر من لم يأخذ منها ما تعطيه على استحياء
والغافل من ظنّ الأشياء هي الأشياء


رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Loading...


Powered by vBulletin® Version 3.8.2
Copyright ©2000 - 2014, Jelsoft Enterprises Ltd diamond
جميع الحقوق محفوظة لمنتديات الشبارقة © 2009 - 2013