أشعار تغنى بها مصطفى سيد أحمد

[محمد دفع الله جميل]

على بابك-عبد القادر الكتيابى

--------------------------------------------------------------------------------

على بابك نهارات الصبر واقفات
بداية الدنيا هن واقفات
وكم ولهان...وكم طائر
بعد نتف جناحو وراك
لملم حر ندامتو وفات
قطع شامة هواك من قلبو
الا هواك نبت تانى
على بابك
وقف تانى
غمايم شاقة حضن الليل
مسافر فيها وحدانى
وبدون جنحين
يغنيك الهنا المافى
ويغنيلك رهافة حسو
يغنى على جليد امال
ويحلم بالشفاء الدافى
وقدر مايمشى فى سور الزمن خطوات
يلاقى خطى السنين واقفات
يلاقى هواك نبت تانى
وعلى بابك
وقف تانى
وملا ساحات
__________________

[محمد دفع الله جميل]

حسنك بديع-خليفة الصادق عبدالرحيم


حسنك بديع معدوم مثالك
حير عقول وصف جمالك
يابهجة يافرح الحزين
امنت زيك مابكون
حوط نغم يوحى الاغانى
تتهادى زى الناس مكانك
عليك قليل كلمة جميل
وصفك تحار فيهو المعانى
اجمل عيون فيك شفتها
عيون المها مابتشبها
منى الكلام بيضيع دوام
قدامها والقاهو انتهى
امرك مطاع ابدا يازينة
انت الجمال والناس عليك
بسمك سنا....
ولفظك غنا....
كم بيهو ياسمحة انتشينا
__________________

[محمد دفع الله جميل]

أجراس العودة..نزار قباني


بكيت..حتي أنتهت الدموع
صليت..حتي أنطفأت الشموع
ركعت..حتي ملّني الركوع
سألت فيك عن محمد!!
طلع البدر علينا من ثنيات الوداع
وجب الشكر علينا ما دعى لله داع
أيها المبعوث فينا جئت بالأمر المطاع
جئت شرفت المدينة
مرحبا يا خير داع
سألت فيك عن محمد وعن يسوع
مهما هم تأخروا فانهم يأتون
من درب رام الله أو من جبل الزيتون
يأتون في الرياح والأشجار والغصون
يأتون..في كلامنا
يأتون..في أصواتنا
يأتون..من دموع أمهاتنا
في أعين الغالين من أمواتنا...لكنهم يأتون
مهما هم تأخروا..فانهم يأتون
من درب رام الله أو من جبل الزيتون
يأتون مثل المن والسلوى من السماء
ومن دمى الاطفال ومن أساور النساء
يسكنون الصخر والأشجار والأشياء
من حزننا الكبير...ينبتون
ومن شقوق الصخر....يولدون
باقة أنبياء ليست لهم هوية ليست لهم أسماء...لكنهم يأتون......
__________________

[محمد دفع الله جميل]

أغيب عنك..عبد القادر الكتيابي


أغيب عنك....
أغيب عنك يضيع سر الحضور مني
يضيع فيني
شعور أني..أنا الانسان
وأكون بعدك وحيد وحيد
شئ تايه في سراب عالم
ورا العالم بعيد وبعيد
بلا زواده وبلا أمكان
وأغيب عنك
أشوف كل العيون ضدي
أشوف الكون صبح سرداب
بلا سكان
عدم لا ضل ولا ألوان
كانو لا انخلق لا كان
وأنا المصلوب
علي أبوابو طيف ذكري
ودليل عبرة وشهيد فقدان
وأنا المكتوب أغيب عنك
وأصبح في هوة الازمان
أنا المجروح
لغاية غاية الغاية
ولحد منابع الأحزااااااااااااااااااان
__________________

[محمد دفع الله جميل]

جمعنا قدر-عبدالرحمن مكاوى


تقول لى الفراق مكتوب ذى اول جمعنا قدر
وترحيل ياوحيد العين تخلى صباحى ليل وسهر
اقاسمك فى السفر بالروح
وسعيد انت وشقانى سفر
لما كتمت دمع الشوق
بكيت من غير دموع اكتر
زمان ماكنت قايلك انا ربيعك منو تحرمنى
والاقى الليل طويل عمرو
وعمرى الباقى من حزنى
طريتك قلبى علمتو عشان انساك...
علمنى
لا كان الفراق منك
ولا ياروحى كان منى
تقول لى الفراق مكتوب ذى اول جمعنا قدر
ترحل ياوحيد العين تخلى صباحى ليل وسهر
__________________

[محمد دفع الله جميل]

وجيدة - قريب الله عبد الواحد


بعيد عني ..
خطاك ما لامست وجه الطريق ..
ومشيتي لا فوق غيمه لا ظني ..
كأنك من وراء صفحة زجاج مبلول ...
وراك الريح ..
وقدامك مدى السكة وندا المجهول ..
وأنادي ليك ..
وجيدة ... وجيدة
لا إلتفتي ولا لوحتي بي إيدك ..
وأنادي ليك ..
يجاوبني المدى الفاتح مدارج الهم ..
بتبقى وجيده طعنة سيف ..
موسدة في شق السماء المرسوم ..
وسادة دم ...
وتبقى إيدنا في إيديك ..
وفي شعرك ..
وفي المنديل ..
__________________

[محمد دفع الله جميل]

أرجو من كل الأعضاء أن يأتو بمشاركات
حتي نسطتيع جمع أكبر عدد ممكن من أغنيات مصطفي
مع خالص ودي
__________________

[عمر حميد]

أظنك عرفتى

جمال حسن سعيد

ـــــــــــــــــــــــــــــــــــ

أظنك عرفتى
عواصفك مهبـّى
أبارى فى خيالك .. يسوقنى ويودّى
ونهرك يعدى
ويجهل مصبّى
هواجسى البتزرع
وظنـّى البربى
****
لقيتك خواطر
بتصحى .. وتساور
وطيفك يزاور
وروحك تحاور
تجيبنى فى زمانك
موشـّح أساور
أقول بس نسيتك
وجرحك .. يتاوِر
*****
أظنك عرفتى عذاب المغنى
وطبلو المجدّع
شظايا التمنى
حروفو البتجزع
فى لحظة تجنى
خطاهو البتهرع
متين تطمئنى
****
مسرِّج خيالك .. حصانى القبيل
معربد غبارو
وخلّى الصهيل
مسافر .. مسافر .. وفاقِد دليل
أظنـِّك عرفتى ..
هموم الرحيل

.

[عمر حميد]

سر في جوف أصداف

سيف الدين محمد صالح

ــــــــــــــــــــــــــــــــــــــــــــــــــ ــــــــ

ياسر مكتوم فى جـوف أصداف
فـتـشـت عليك بقـليب نزّاف
لا خـبـيـر يـهـدى ... لا دليل وصّاف
************
ياسر مكتوم فى جوف أصداف
راجـياها الريح ... وكتين ما تطــل
على موجة تمرجح زهرة فـــل
وتشيلا تروح ... والدنيا تنوح
على قمراً مات فى مطر الليل
يتّم نجمات بكاها السيل
*************
يا سر مكتوم فى جوف أصداف
الريح القاسية عنيدة .. تمام
طـفــت الـقـنديل .. الكان مـقـدوح من دمع الليل
رمت القُـنديل الكان نديان فى جــرف النيل
رسمت أحزان .. وسؤال حيران .. فى عيون أيتام
***************
يا عمر مرسوم فى كف أقدار
يا خطايا الطال بيها .. المشوار
ياليل مشتاق لى دفقة نور
ياظلمة تبكى .. حتى البلور
ياموجة تعاند فى التيار ...
يا خطايا الطال بيها المشوار......

[محمد دفع الله جميل]

مشكووووووور كتير عمر حميد
وأتمنى إنو البوست دة يجد التفاعل من الأعضاء حتى يصبح مكتبة للأشعار الرائعة التي تغنى بها الراحل المقيم مصطفى سيد أحمد عليه رحمة الله